2023 оны 3 дугаар сарын 8-наас 11-ний өдрүүдэд зохион байгуулагдсан 21 дэх удаагийн Ази-Номхон далайн бүсийн их сургуулиудын Олон улсын хүмүүнлэгийн эрх зүйн шүүхийн мэтгэлцээний тэмцээн (The 21st Red Cross International Humanitarian Law Moot (an Inter-University Competition for Asia-Pacific Region))-д МУИС-ийн Хууль зүйн сургуулийн баг (олон улсын эрх зүйн 5 дугаар түвшний оюутан Б.Ариунзаяа, эрх зүйн 4 дүгээр түвшний оюутан Э.Анударь, олон улсын эрх зүйн 3 дугаар түвшний оюутан А.Тэргэл) Монгол Улсаа төлөөлөн амжилттай оролцож, Яллагдагч талын бичгэн тайлбараар 2 дугаар байр (Second Honorable Submission (Defendant))-д шалгарлаа. Манай сургуулийн хувьд энэ удаагийн шагнал нь 2018 онд Прокурорын бичгэн тайлбараар 2 дугаар байр эзлэснээс хойших дараагийн том амжилт юм.

МУИС-ийн ХЗС-ийн багийн гишүүд: баруун гар талаас А.Тэргэл, Б.Ариунзаяа, Э.Анударь

МУИС-ийн ХЗС-ийн баг шагналаа гардан авсны дараа дасгалжуулагч багшийн хамтаар

МУИС-ийн ХЗС нь уг тэмцээнд оролцсон олон жилийн туршлагатай бөгөөд энэ жилийн тэмцээнд багийн дасгалжуулагчаар Нийтийн эрх зүйн тэнхимийн гэрээт профессор Д.Гангабаатар, Нийтийн эрх зүйн тэнхимийн ахлах багш М.Мөнхбат, багш Э.Туулайхүү нар ажиллав.

Тэмцээнд Ази-Номхон далайн бүсийн орнуудын үндэсний аварга 24 их сургуулийн баг өрсөлдсөн ба бүс нутгийн улс орнуудын засгийн газар, эрдэм шинжилгээ, хууль зүйн практикийн салбарт ажилладаг 60 гаруй шилдэг мэргэжилтэн шүүгчээр ажиллав. Мөн цар тахлын хүндрэлийн улмаас 3 жилийн дараа  танхимаар зохион байгуулагдав. Тэмцээнд оролцогч баг бүр прокурор, яллагдагчийн аль алиных нь өмнөөс англи хэл дээр тайлбар бичин илгээж, түүний дагуу амаар мэтгэлцдэг. Энэ жилийн тэмцээний кэйс нь сүүлийн жилүүдэд улам бүр чухлаар яригдах буй байгаль орчны хамгаалалт, түүний дотор байгаль орчныг цэргийн бай болгон ашиглах явдлыг онцолж, зэвсэгт мөргөлдөөнд химийн зэвсэг ашиглах, дайны гэмт хэрэгтнүүдийг шударга шүүхээр шүүх,  дайнд олзлогдогчдын эрхийг хамгаалах, иргэдийг улсынхаа эсрэг дайны үйл ажиллагаанд оролцохыг албадах зэрэг асуудлын хүрээнд өрнөв. 

Шагналын нэрс болон шагнал авсан их сургуулиудыг хүснэгтээр харуулбал:

Тэмцээнд оролцсон их сургуулиудыг цагаан толгойн үсгийн дарааллаар дурдвал:

1. Аделайдын их сургууль (Австрали)
2. Брикфилдс Эйшиа Коллеж (Малайз)
3. Бээжингийн их сургууль (БНХАУ)
4. Вьетнамын Дипломатын Академи (БНСВУ)
5. Гаджа Мадагийн их сургууль (Индонези)
6. Жахангирнагарын их сургууль (Бангладеш)
7. Катмандугийн хууль зүйн сургууль (Непал)
8. Лаосын улсын их сургууль (Лаос)
9. Менежментийн шинжлэх ухааны Лахорын их сургууль (Пакистан)
10. Монгол улсын их сургууль (Монгол)
11. Окландын их сургууль (Шинэ Зеланд)
12. Сан Агустины их сургууль (Филиппин)
13. Сингапурын Менежментийн их сургууль (Сингапур)
14. Таммасатын их сургууль (Тайланд)
15. Тайваний үндэсний их сургууль (Тайвань)
16. Токиогийн их сургууль (Япон)
17. Трибхуван их сургууль (Непал)
18. Улс төрийн шинжлэх ухаан, хууль зүйн Баруун өмнөдийн их сургууль (БНХАУ)
19. Хандоны Олон улсын эрх зүйн сургууль (БНСУ)
20. Хонконгийн их сургууль (Хонконг)
21. Хятадын Улс төрийн шинжлэх ухаан, хууль зүйн сургууль (БНХАУ)
22. Хятадын их сургууль (Хонконг)
23. Шри Ланкын Опен их сургууль (Шри Ланк)
24. Эрх зүй, эдийн засгийн Рояал их сургууль (Камбож)

THE NATIONAL UNIVERSITY OF MONGOLIA SCHOOL OF LAW SUCCESSFULLY PARTICIPATED IN THE 21ST RED CROSS INTERNATIONAL HUMANITARIAN LAW MOOT IN ASIA-PACIFIC REGION

In the 21st Red Cross International Humanitarian Law Moot (an Inter-University Competition for Asia-Pacific Region)), organized from 8 to 11 March 2023, the team of the National University of Mongolia School of Law (5th-year student of the international law program Ariunzaya Batjargal, 4th-year student of law program Anudari Erdenebayar, and 3rd-year student of international law program Tergel Azjargal) successfully participated with the Second Honorable Submission (Defendant). Prior to this award, the National University of Mongolia received the Second Honorable Submission (Prosecutor) in 2018.  

This year, national champion 24 teams from the Asia-Pacific countries participated in the competition. More than 60 top experts working in government, academia, and legal practice of the regional countries acted as judges. Due to the difficulties of the pandemic, it was organized this year in person after three years. In the Moot, each team submits memorials in English on behalf of both the prosecutor and the defendant, followed by oral arguments. This year's moot problem highlights environmental protections that have been crucial concerns in recent years, especially the use of the natural environment as a military target, exploitation of chemical weapons in armed conflict, the fair trial of war criminals, the rights of prisoners of war, and the forced participation of enemy civilians in military actions against their own country. See more about the competition, including lists of participating universities and award recipients from https://www.icrc.org/en/document/china-21st-hong-kong-moot-court-asia-pacific-list winners and https://www.redcross.org.hk/en/press_room/press_release_202 /20230314.html