Монгол Улсын Их Сургуулийн Хууль зүйн сургуулийн 2023-2024 оны хичээлийн жилийн үйл ажиллагаатай холбоотойгоор сургалтын нэгдсэн төлөвлөгөөний хүрээнд явагдах анхаарвал зохих мэдээллийг та бүхэнд хүргэж байна.

Нэг. Сургуулийн хичээллэх байр өөрчлөгдсөнтэй холбоотой мэдээлэл

Монгол Улсын Их Сургуулийн Хууль зүйн сургуулийн хичээлийн шинэ барилга 2023-2024 оны хичээлийн жилийн намрын улирлаас эхлэн баригдах болсонтой холбоотойгоор хичээл, сургалтын үйл ажиллагааг хэвийн явуулах үүднээс МУИС-ийн Улаанбаатар сургуулийн хичээлийн байранд түр хугацаагаар хичээллэх шийдвэрийг МУИС-ийн Удирдах зөвлөлөөс гаргасан билээ.

Тус шийдвэртэй холбоотойгоор Улаанбаатар сургуулийн байршил, МУИС-ийн Төв байрнаас Улаанбаатар сургуулийн байр хүртэлх замын зураглалын мэдээллийг та бүхэнд хүргэж байна.

Зураг №1. МУИС-ийн харьяа Улаанбаатар сургуулийн байрны зураг

Зураг №2. МУИС-ийн төв байрнаас Улаанбаатар Сургуулийн байр хүртэлх замын зураглал

Мөн та доорх QR кодыг уншуулан өөрийн байршлаас Улаанбаатар сургууль байр хүрэх замын зураглалыг харах боломжтой.

Хоёр. Суралцагчийн хичээл сонголт, баталгаажуулалттай холбоотой мэдээлэл

Шинээр элсэн суралцах эрх олгогдсон оюутнуудын хувьд:

• 2023 оны 08 дугаар сарын 10-ны өдрийг хүртэл МУИС-ийн цахим систем (https://burtgel.num.edu.mn)- ээр бакалаврын өдрийн хөтөлбөрийн элсэлтийн үйл ажиллагаа явагдаж дуусна.
• Хичээлд бүртгүүлэх үйл ажиллагаа хоёр үе шаттай, цахим хэлбэрээр явагдах бөгөөд 2023.08.11-2023.08.17- ний өдрийн хооронд хичээлийн ганцаарчилсан төлөвлөгөө гаргах, 2023.08.22-2023.08.31-ний өдрийн хооронд хичээл сонголт, баталгаажуулалт явагдаж дуусна. Хичээл бүртгүүлэх үйл ажиллагааны талаар дэлгэрэнгүй мэдээллийн “SISI 3.0” мэдээллийн системээс харах боломжтой. https://auth.num.edu.mn/

Бакалаврын түвшинд суралцаж буй нийт оюутнуудын хувьд:

• Хичээл сонголт, баталгаажуулалт 2023.08.22-2023.08.31-ний өдрийн хооронд явагдах тул өөрийн Sisi хаягаар нэвтрэн орж хичээл сонголт, баталгаажуулалтын мэдээлэлтэй танилцахыг зөвлөе.
• Хичээл сонголт хийхдээ тухайн хичээл орох байрны мэдээллийг сайтар шалгана уу.

2023-2024 оны хичээлийн жилд Бакалаврын түвшний өдрийн ангийн оюутнууд болон орой ангийн оюутнуудын хичээл 2023 оны 09 дүгээр сарын 01-ний өдөр эхлэх бол эчнээ болон магистр, докторын хичээл 2023 оны 10 дугаар сарын 01-ний өдрөөс эхэлнэ. Бакалаврын түвшний шинээр элсэн суралцаж буй оюутнуудын хувьд ерөнхий суурийн хичээлүүд МУИС-ийн төв кампуст орохыг мэдэгдье.

Нэмэлт: МУИС-ийн Хууль зүйн сургуулийн хичээлийн байр өөрчлөгдсөнтэй холбоотойгоор оюутнуудад хүндрэл учруулахгүй байх үүднээс “МУИС-Улаанбаатар сургууль” гэсэн маршрутаар автобус явуулах талаар холбогдох албан тушаалтанд хүсэлтээ уламжилсан бөгөөд одоогоор шийдэгдээгүй байна. Түүнчлэн шаардлагатай тохиолдолд цахим хэлбэрт зарим хичээлийг эсхүл хичээлийн зарим цагийг шилжүүлэх арга хэмжээ авч болзошгүй бөгөөд дээрх асуудлыг хэлэлцэн шийдвэрлэж, хариуг нэн даруй мэдэгдэх болно.Ингэхдээ бид оюутнуудад хүндрэл багатай байх чиглэлийг голлон анхаарч байна.

МУИС-ийн Хууль зүйн сургуулийн Захиргаа