Бүгд Найрамдах Улсыг тунхаглаж, Анхдугаар Үндсэн хууль батлагдсаны 100 жилийн ойг тохиолдуулан МУИС-ийн Үндсэн хуулийн эрх зүйн эрх хүрээлэнгээс санаачлан Монгол Улсын Үндсэн хуулийн цэцтэй хамтран гурван үе шат бүхий  Үндсэн хуулийн процессын эрх зүйн мэтгэлцээнийг хууль зүйн сургуулийн  оюутнуудын дунд сарын хугацаанд амжилттай зохион байгуулж, тэмцээн амжилттай болж өндөрлөлөө.

Тэмцээн нь оюутнуудын Үндсэн хуулийн эрх зүйн мэдлэгийг гүнзгийрүүлж, сэтгэлгээг хөгжүүлэх, Үндсэн хуулийн “Мэдэгтун, Сахигтун” хэмээх зарчмыг сурталчлан таниулах, улмаар Үндсэн хуулийг олон нийтэд таниулан түгээн дэлгэрүүлэх зорилготой болно.

Энэхүү тэмцээнд МУИС-ийн Хууль зүйн сургууль, “Шихихутуг” Их сургууль, Дотоод хэргийн Их сургууль, “Их засаг” Их сургууль, “Отгонтэнгэр” Их сургууль, “Орхон” Их сургуулийн багууд идэвхтэй оролцсон тул гүн талархал илэрхийлье.

Тэмцээний шигшээ мэтгэлцээнд оролцсон багууд маргагч болон маргалдагч талын байр суурийг хамгаалан мэтгэлцсэнээс МУИС-ийн Хууль зүйн сургуулийн баг тэргүүн байранд шалгарч, “Шихихутуг” Их сургуулийн баг дэд байранд шалгарч,. шилдэг илтгэгчээр “Шихихутуг” Их сургуулийн оюутан А.Нарансолонго тодорлоо.

Бүгд Найрамдах Улсыг тунхаглаж, Анхдугаар Үндсэн хууль баталсны 100 жилийн ойд зориулан зохион байгуулсан энэхүү мэтгэлцээн нь оюутнуудын хандлага, мэдлэг, ур чадварыг бататгах, улмаар Монгол Улсын Үндсэн хуулийн эрх зүйн ухамсрыг дээшлүүлэхэд хувь нэмэр оруулах чухал алхам юм.